Yo leve Oksid Janti an lè

yo tuipe ti Paris

Wi yo level Oksid Janti an lè

yo kase kòd gita ti Paris

E kote Janti ta ye

si ti Paris pat la ou ranmase l?

Tout mi lakay yo

se pòtre Desalin pòtre Tousen

Tout miray tèt yo

se pòtre Desalin pòtre Tousen

E kote peral

Jean-Jacques Dessalines Ambroise?

Lè bay te bon se franse yo te pale

m pat konprann

Lè bay te bon yo te pale franse

pou m pa konprann

Jodi a yap pale kreyòl pwenti

yo di m sou pouvwa. Sak chanje?

La mizè pimpe m lòt bò dlo

vin chèche lavi

La mizè pimpe m lòt bò dlo

vin manje poul mouri

Pankò menm debake, m

voye lakay jete

Lè n ap chante mezanmi

nou pa bezwen kriye

Lè n ap chante mezanmi

sa nou bezwen kriye?

Lè n ap chante mezanmi

sa mou bezwen kriye?

Lè pou n kriye mezanmi

se fete n ap fete o

Daniel Simidor.